Фрчат кривични против директори на ЕЛЕМ и РЕК Битола
Објавено во: Македонија 13 Февруари, 2018
На повиод е нов предмет пред истражните органи откако МВР поднесе повеќе кривични пријави против дитектори во РЕК Битола и ЕЛЕМ за загадување на животната средина кои не ги почитувале поставените стандарди.
СВР Битола поднесе кривични пријави против петмина поранешни и актуелни директори во РЕК Битола и против АД ЕЛЕМ, поради постоење основи на сомнение за сторено кривично дело „загадување на животната средина и на природата“.
Во координација со Јавното обвинитество направени се низа проверки при што е констатирано дека пријавените физички лица, со непридржување кон прописите за заштита и унапредување на животната средина, пропуштиле да ги реконструираат постоечките или да постават нови филтри за прашина- дозволиле преку работата на пријавеното правно лице да се пропуштаат штетни честички, количински повеќе од 50 милиграми на метар кубен.
Исто така, пријавените физички лица дозволиле да се врши отпепелување на одлагалиштето, каде што често се создавале воздушни вртлози од пепел со земја. На тој начин предизвикале пораст на статистичкиот показател на загаденост на воздухот во Град Битола, што претставува опасност по здравјето на луѓето, соопшти МВР.