24 Јуни, 2017
0.2721

ФРЧАТ СМЕНИ: Разрешена директорката на Агенцијата за поддршка на земјоделството!

Објавено во: Агробизнис 01 Март, 2017

Директорката на Агенцијата за финансиска поддршка на земјоделството и руралниот развој, Билјана Вуковиќ е сменета од функцијата, дознава Фактор. Засега не е познато дали Вуковиќ сама си поднесла оставка од директорската позиција или пак е разрешена. Во моментов сеуште нема поставено нов директор на Агенцијата. Информацијата ја потврди и министерот за земјоделство, шумарство и водостопанство Михаил Цветков.

„ Да точно е дека е сменета, но не ја знам причината бидејќи на таа владина седница не присуствував, само бев известен дека е сменета.Во моментов сеуште нема поставено нов директор, ќе се знае на следната владина седница“,вели Цветков.

Извори за Фактор брифираат дека сеуште се бара нејзина замена, но и дека не е исклучена можноста повторно да биде вратена на функцијата.Вуковиќ е на оваа позиција три години и доаѓа на редовите на ВМРО ДПМНЕ.

Токму институцијата со која раководеше Вуковиќ дел од земјоделците и агробизнисмените ја оквалификуваа како најнетранспаретна институција кога е во прашање поделбата на субвенциите. Од СДСМ лани обвинија дека преку Агенцијата се одлеваат милионски суми субвенции кај блиски луѓе до власта, а се прават намерни адмниситративни грешки за да им се скратат субвенциите на вистинските земјоделци. Од партијата ја обвинија Вуковиќ дека е извршител на Никола Груевски и дека си го вработила братот во Агенцијата.

Т.С


Можеби ќе ве интересира

Ќе се спасуваат земјоделците со дополнителна финансиска поддршка

Ќе се спасуваат земјоделците со дополнителна финансиска поддршка

Николовски им даде ветер во грб на овоштарите чии праски завршија на депонии

Николовски им даде ветер во грб на овоштарите чии праски завршија на депонии

Расфрлани праските по улица-Градско-Прилеп под „опсада“

Расфрлани праските по улица-Градско-Прилеп под „опсада“

Кај соседите ова овошје сега е најисплатлив бизнис

Кај соседите ова овошје сега е најисплатлив бизнис

Црни прогнози за жетвата на пченицата

Црни прогнози за жетвата на пченицата