Фунтата во стрмоглав пад по изборите
Објавено во: Економија 09 Јуни, 2017
Британската фунта забележала нагло паѓање откако се објавени првите резултати по излегувањето од избирачките места според кои Конзервативците нема да освојат мнозинство.
Вредноста на фунтата паднала за повеќе од два центи во однос на доларот, од 1.2955 на 1.2752 долари.
Некои инвеститори стравуваат дека, ако Конзерватицвите не освојат мнозинство, тоа би ја ослабнало силата на наредната влада во престојните преговори за излез од ЕУ.
Според првичните анкети правени по излезот од избирачките места, Конзервативната партија на премиерката на Британија Терза Меј ќе освои 314 места во Долниот дом на парламентот, што значи дека нема да има мнозинство, наведува Ројтерс.
Анкетата направена на ниво на цела Велика Британија предвидува 266 места за Лабуристите на Џереми Корбин, 34 места за Шкотската национална партија и 14 за Либерал-демократите.