(ГАЛЕРИЈА) Извикуваа„УЧК“ и побараа меѓународна истрага за „Диво Насеље“

Добивај вести на Viber

Со транспаренти на албански јазик и скандирања „УЧК“ и „Косово“, под големо полициско обезбедување, се одржа протестот против пресудите за случајот “Диво насеље“.

Насобраните граѓани два часа, во мирна атмосфера, го изразија незадоволството со протестот пред плоштадот Скендербег и Основниот суд – Скопје 1.

Организаторите на протестот бараат меѓународна истрага и ревизија на случајот. 

Претседателката на Советот на семејствата на обвинетите од Косово, Дашурие Сефа изјави дека настаните од 9 и 10 мај треба да се истражат од меѓународни органи затоа што, според нив, во целиот настан директно се инволвирани државни структури.

„Истрагата на местото на настанот не е направена според македонските закони, туку по нарачка на криминалната власт“- изјави Сефа.

За настаните во Куманово, Кривичниот суд им одреди на обвинетите осум доживотни казни затвор, 13 казни по 40 години, шест по 20 години, една од 18 години, две од 14, две од 13, две по 12 години затвор и четири ослободителни пресуди.

На 9 и на 10 мај 2015 година, вооружена група се судри со безбедносните сили. Во престрелката загинаа осум полицајци од специјалните и од посебните единици на МВР, додека четириесетина беа тешко повредени. 

ФОТО ФАКТОР