(ГАЛЕРИЈА) СТРУМИЦА СТАНУВА БАЛКАНСКО РИО: Заев на карневалот без маска
Објавено во: Македонија 18 Февруари, 2018
Од година в година струмичкиот карневал под маски се повеќе заличува на големиот карневал во Рио.
Волшебство од маски ги обелжаа струмичките улици како дел од вековната традиција со која се гордеат Струмичани.
Над 2000 учесници дефилираа со маски, а бројните гости од земјава но и од соседните земји уживаа во разновидноста на маскираните.
Премиерот Заев не ја пропушти оваа традиција. Тој на карневалот овој пат не се маскираше но порача дека оваа активна и жива оваа вековна традиција, е гордост на струмичани, на градот Струмица и на Република Македонија.
На струмичкиот карневал имаше учесници од Аруба, Германија, Словенија, Хрватска, Србија, Црна Гора, Бугарија и Албанија. И околу 50.000 посетители, наши граѓани и пријатели од регионот.
Во карневалот уживаа и функционери меѓу кои беа вицепремиерот Кочо Анѓушев, директорката на УЈП Лукаревска, како и генералниот секретар на владата Драги Рашковски.