(ГАЛЕРИЈА) ТЕХНОМА 2016 ги отвори вратите: Во фокус иновациите и новите технологии

Добивај вести на Viber

Годишнешново 42-то издание на манифестацијата која нуди промоција на достигнувањата во иновациите и новите технологии, можности и поттик за нови бизниси преку претставување успешни приказни, дебати за потребите на фирмите од повеќе области ТЕХНОМА 2016 официјално денеска ги отвори вратите за посетителите.

На саемот кој ќе трае пет дена ќе се претстават  над 160 изложувачи од Македонија, Италија, Австрија и Германија од областа на металургијата, електротехниката, енергетиката, градежништвото, обезбедувањето и заштитата. 

На отворањето на саемот министерот за финансии Кирил Миновски истакна дека клучот  за економски развој на земјава е во развојот на приватниот сектор, така што тој ќе биде во состојба да искреира производи и услуги кои ќе бидат конкурентни на глобалниот пазар. 

„За да се постигне тоа, Владата на Република Македонија е насочена кон креирање поволно деловно окружување кое ќе ја поттикне иновативноста на домашните компании, а воедно ќе го поддржи и внесот на нови технологии преку влезот на странски инвестиции“, рече Миновски .

Саемот се отвори денес и ќе трае до 22-ри октомври 2016 на Скопски саем.

На свеченото отворање на саемот се обрати и амбасадорот на Република Унгарија во Македонија, Ласло Иштван Дукс кој рече дека присуството на повеќе унгарски фирми на саемот  е можност да се зајакне економската соработка меѓу двете држави.

Според најавите се очекуваат повеќе од 25 илјади посетители.