„Газпром“ доби дозвола за втората цевка на „Турскиот поток“
Објавено во: Економија 20 Јануари, 2018
Според дипломатски извори, Гаспром доби дозвола од турските власти за изградба на втората цевка на гасоводот Турски тек до брегот на Турција, објави ТАСС.
Според официјалното соопштение на холдингот, работата на проектот врви "во полна пареа" на три локации истовремено - во Русија, Турција и Црното Море, а веќе се положени 760 километри од трасата. Близу до крајот е стартната станица на руска територија, а на турска започнува изградбата на приемниот терминал.
Новата одлука на турските власти го отвора патот за втората цевка да биде инсталирана во турски води. „Сега сме апсолутно сигурни дека двете линии на гасоводот ќе бидат ставени во функција до крајот на 2019 година", рече шефот на "Гаспром" Алексеј Милер.
Во извештајот на Тас, пишува дека втората цевка на "Турскиот тек" е да го пренесе гасот до турско-грчката граница. Во меѓувреме, премиерот на Бугарија, Бојко Борисов неколкупати изјави дека рутата ќе стигне до Бугарија и од таму до Србија.
Сепак, рускиот министер за надворешни работи, Сергеј Лавров, пред неколку дена рече дека такво сценарио е можно само во случај на "армирани конкретни гаранции" за проектот од страна на ЕК.