Германија ја тресат полициски акции: Кој се апси?
Објавено во: Свет 25 Октомври, 2016
Германските власти и безбедносните сили спроведуваат спецоперациja во четири градови на провинцијата Тирингија, пишува весникот Bild. Се вршат претреси во градовите Јена, Зул, Шмалкалден и Гилдбургхаузен. Се тврди дека станува збор за „акутна терористичка закана“. Детали не се даваат, забележува уште весникот.
Последователно Daily Mail информира дека полицијата во Германија е претресла 13 згради во целата земја, поради добиена информација дека екстремисти од терористичката група "Исламска држава" подготват напад.
Органите на редот почнаа со антитерористички операции во провинциите Тирингија, Хамбург, Северна Рајна-Вестфалија, Саксонија и Баварија. Вооружените полицајци, придружени од обучени кучиња, бараат оружје и експлозиви, истакнува "Шпигел". Оние кои се приведени за време на акциите, објаснуваат дека се чеченските бегалци, но се смета дека се од исламистички средини.
Да потсетиме дека претходно овој месец германската полиција трагаше по 22-годишен Сириец осомничен за подготвување на терористички напад на територијата на земјата. Властите во провинцијата Саксонија издале наредба за апсење на Џабер Ал-Бакр, за кого се знаеше дека е роден во Сирија во јануари 1994 година.
Пред тоа во дел од германскиот град Кемниц беше воведена вонредна состојба поради закана од можен терористички акт. Подоцна германските власти соопштија дека приведениот Сириец се самоубил во затвор. Мажот осомничен дека работел за "Исламска држава", и беше предаден на полицијата од тројца сонародници, кои го засолнаа пред тоа. Според Bild 22-годишниот Ал-Бакр изјавил уште на првите сослушувања во полициjа дека тројцата сириски бегалци биле во текот со неговите планови да изврши напади. Неговата смрт покренува голем број прашања за начинот на кој бил третиран надзор над него во затвор.