Германија ќе шпионира со свои сателити, ја губи довербата во САД
Објавено во: Свет 20 Февруари, 2018
Германија до 2022 година треба да има два оперативни сателити со кои ќе може самостојно да шпионира односно да генерира разузнавачки податоци на било кое место на планетата. Двата сателита ќе чинат вкупно 400 милиони евра и тие веќе се одобрени од финансискиот комитет на германскиот Бундестаг.
Се претпоставува дека главната причина за оваа голема инвестија е тоа што германските разузнавачки служби како БНД повеќе не се потрпираат толку многу на податоци од пријателските американски шпиунски агенции како ЦИА и НСА.
Ова доаѓа откако Меркел еден ден по Г7 самитот во Италија заклучи дека завршиле времињата кога може да се потпрат на нивните најголеми сојузници алудирајќи на бесмислените говори кои американскиот претседател Доналд Трамп ги држеше.
Тој рече дека Германија должела пари во НАТО што испадна дека не е вистина и на Г7 самитот не ја потврди позицијата дека ќе ја поддржи колективната одбрана на НАТО во случај на напад на една земја што требаше да го спомене од чиста куртоазија наместо да ја навредува Меркел и да го нарекува Германците „многу, многу лоши“.