ГЕРМАНИЈА: Работат прекувремено за чесно да заработат
Објавено во: Економија, Свет 25 Мај, 2017
Оние кои најмногу работат во Германија, најмногу и заработуваат, покажува истражувањето на германскиот Завод за вработување.
Над 40% од вработените во Германија неделно работат по 5 часа прекувремено, а 5% работат по 10 часа неделно прекувремено.
Оние кои годишно заработуваат помалку од 30.000 евра работат во просек по 2 часа прекувремено во текот на неделата.
Луѓето кои земаат по 120.000 евра или повеќе годишно, работат по 10 часа неделно прекувремено.
Младите до 20 години прекувремено работат по 2 часа неделно, а оние кои се постари од 60 години и по 3.6 часа.
Прекувремено најчесто работат советниците во фирмите и вработените во трговија.
Од нив две третини не добиваат надомест за својата прекувремена работа.