Добивај вести на Viber
Германија сака да се сврти кон обновливите извори на енергија како што се ветерот и сончевата енергија, која ќе чини 300 милијарди долари, јавува АлЏезеира.
Според некои извори, 2013-та треба да биде година на зелената енергија, особено во Европа. Помина повеќе од една година откако канцеларка Ангела Меркел како цел го постави укинувањето на нуклеарната енергија во Германија од 2022 година. Но, цената на транзиција кон обновливите извори на енергија ќе треба да ја платат потрошувачите.
Сметките за електрична енергија во Германија, кои се меѓу највисоките во Европа, оваа година може да пораснат за 47 отсто поради вртењето кон обновливите извори на енергија, инициранано од Владата.
„Сметките за струја се зголемија драстично, а ќе растат уште повеќе. Загрижен сум за сиромашните. Ситуацијата само ќе се влошува", вели Мајкл Гроу, волонтер во Каритас.
Владата ја најави оваа промена, по нуклеарната катастрофа во Фукушима во Јапонија. Планот Германија да се сврти кон обновливите извори на енергија како што се ветерот и сонцето, а тоа ќе ја чини земјата 300 милијарди долари.
Сепак, електричната мрежа се уште не е подготвена за такво нешто бидејќи потребни се големи инвестиции.