Германскиот шеф на дипломатијата бара Иванов да го додели мандатот
Објавено во: Македонија 29 Март, 2017
Претседателот Ѓорге Иванов треба веднаш да го даде мандатот за Влада и да се стави крај на блокадата во Македонија, изјави министерот за надворешни работи на Германија, Зигмар Габриел.
„Постои парламентарно мнозинство во Собранието, кое се оформи после изборите и врз основа на изборите. Степенот на неизвесност, кој моментално го имаме и при кој повторно се будат старите емоции, е голема опасност. Затоа сакаме да се ангажираме за тоа, на целиот Западен Балкан, а особено по однос на актуелната ситуација во Македонија, да се води грижа за да дојде до воспоставување на мирен и демократски соживот“ - вели Габриел.
За загриженоста за ситуацијата во Западен Балкан и пред се во Македонија, Зигмар вчера разговарал со неговиот шпански колега, Алфонсо Дастис во Берлин.
Тој додава дека има неизвесност и со тоа се будат старите емоции што претставува голема опасност.