ГЛОБА ОД ЕК: Сканија казнета со 880 млиони евра-во картел се договорале цени

Добивај вести на Viber

Европската комисија ја казни компанијата Сканија која е произведувач на камиони со 880 милиони евра поради здружување во картел поради договорање на цени, поради што четири негови члена се казнети со вкупно 2,9 милијарди евра.

Како што објави ЕК, Сканија која е во сопственост на VW со останатите членови на картелот 14 години во тајност договорала цени на камиони и префрлување на трошоци на купувачите поврзани со нови технологии кои налагаат нови строги прописи за емисија на штетни гасови.

Во јули МАН, Дајмлер, Волво, Ивеко и ДАФ го признале учеството во активности на тој картел во замена за намалување на казната за 10 посто. Сканија не се нагоди со ЕК.

Казната одредена на Сканија по висина е веднаш зад Дајмлеровата, која изнесувала милијарда евра. МАН избегна казна бидејќи на Комсијата и ги дојави картелските активности.

„Наместо тајни договори за цени, произведувачите на камиони исто така требало меѓусебно да се натпреваруваат и во подобрување во условите по прашањето за заштита на околината“, рекла комесарката на ЕК за заштита на конкуренција Маргарет Вестагер.

Компаниите во состав на „камионскиот картел“ произведуваат повеќе од 90 посто средни и големи камиони кои се продаваат во Европа.