Голем маскенбал за децата од Карпош

Добивај вести на Viber

Денеска во трговскиот центар „Скопје Сити Мол, илјада цветови, еден тенк, робот, 5 бубамари , неколку принцези , беа само дел од првоаприлскиот маскенбал организиран од Одделението за образование од Општина Карпош. На парадата учествуваа околу 1.000 деца кои со своите креативни маски ја збогатија духовитата програма, а за најдобрите тројца имаше и вредни награди. Таблетот беше првата награда наменета за најкреативната маска „Тенкот”,  дигитален фотоапарат доби креацијата „Робот” , додека групната , односно трета награда ја освоија децата од О.О.У. “Владо Тасевски” од Општина Карпош со кореографијата „Животинско царство”, кои добија бесплатни влезници во киното “Cineplexx”. Во оваа група, околу 30-тина деца добија можност бесплатно да ја следат кино програмата. „Беше  тешко да се одбере најдобра маска, сакавме да биде нешто иновативно и рачно изработено па тоа и го постигнавме, наградите кои учениците ги добија се навистина креативни и максимално се потрудиле тоа да изгледа оригинално“, истакна за време на манифестацијата Драгица Ивановска од Одделението за образование на Општина Карпош.