Голема рецесија му се заканува на светот, предупредуваат експерти
Објавено во: Финансии 20 Октомври, 2016
Голема рецесија како таа во 2008-ма му се заканува на светот, особено на економиите од САД и Европа со оглед на се послабиот економски раст, намалувањето на инвестициите, ригидноста на глобалните берзи, битките со валутите, падот на цената на нафтата и се поголемите глобални терористички закани и стравот од илјадниците мигранти.
Според инвестицискиот менаџер Раул Пал, светот ќе добие нова рецесија бидејќи сега не се вложува премногу во златото, а неговата цена на светските берзи наспроти сите очекувања постојано има благ раст и воопшто не ја губи вредноста, што укажува на конзервативни фискакални политики. Сепак, главен индикатор е што само во октомври по долго време златото изгуби 6% од својата вредност и инвеститорите се насочија кон доларот.
Раул Пал посочува дека златото секогаш е најдобара резервна опција за инвеститорите бидејќи при економски крах подобро варира отколку од меѓународните валути. Златото токму затоа со години има стабилни цени и прогнозите се дека добро ќе се тргува на берзите. Падот на валутите може двојно да ја зголеми цената на златото бидејќи тогаш активностите на Централните банки се најенергични, заклучува Пал.
Пал во 2008-ма беше еден од ретките кој јавно говереше дека економијата на САД ќе доживее голем крах и тоа ќе има домино ефект врз останатите глобални економии.