Google е супер моќна корпорација, за три месеци 26 милијарди долари приход
Објавено во: Економија 26 Јули, 2017
Alphabet корпорацијата која беше формирана за да ги предводи финансиските активности на Google и неговите бизниси се покажува се поуспешна бидејќи во вториот квартал од 2017 забележале досега рекордни 26 милијарди долари вкупни приходи.
Од нив околу 22 милијарди долари се должат само на дигиталното огласување што покажува дека поврзаните платформи на Google со сите негови сервиси како Android, Gmail, YouTube, Drive, и многу други и секако Search се екстра профитабилни.
Според финасискиот извештај нето профитот изнесува 3,5 милијарди долари поради тоа што е прокнижена и високата казна од 2,7 милијарди долари која Европската комисија му ја изрече на Google.
Помалите компании на Google како NEST, Fiber и останатите кои се уште не се профитабилни ги намалиле загубите кои од 855 милиони долари во истиот квартал лани сега се сведени на 772 милиони долари.