Google обвинет дека нема еднакви плати за мажи и жени
Објавено во: Економија 12 Април, 2017
Американскиот департман за труд го обвини Google дека има значителна разлика во платите меѓу вработените мажи кои земаат повеќе пари од жените. Сепак, Google брзо ги негираше овие тврдења објаснувајќи дека го применува најнапредниот научен алгоритам кој сосема непристрасно ја утврдува висината на платата согласно повеќе параметри, а полот воопшто не се зема во предвид.
„Аналитичарите кои ги пресметуваат предложените плати воопшто немаат пристап до информациите за вработените во однос на тоа дали се мажи или жени. Секој менаџер има ограничено дискреционо право да ги прилагодува сумите, но за тоа тоа треба да наведат легитимна причина“, посочи Ајлин Нутон, поптретседател на Google за човечки операции.
Главен критериум за секој вработен е перформансите кои ги прикажува на работното место, заедно со тежината, локацијата и многу други фактори, но Нутон смета дека Google спротивно на тврдењата на департманот за труд е вистински пример во САД кога се во прашање еднаквите можности.