Градоначалници „пукаат“ под притисокот на Ердоган
Објавено во: Балкан 24 Октомври, 2017
Турскиот претседател Реџеп Таип Ердоган нема да чека реформите во неговата Партија на правдата и прогресот да фатат ефект туку веднаш ги спроведе со вршење притисок врз неговите сопартијци да си поднесат оставки од градоначалничките функции.
Така оставка си даде градоначалникот на најголемиот турски град Истанбул, а по него следеше и градоначалникот на Бурса, Реџеп Алтепе. Алтепе истакна дека нема да биде во конфликт со неговата партија и лидерот, нема да прави никакви конфликти или пак да нанесе штета.
Тој додаде дека Општина Бурса и понатаму останува да им служи на граѓаните и верува дека ќе биде преземена од вистински човек кој ќе раководи со Општината.
Со реформите што ги прави владејачката партија Партијата на правдата и развојот (АКП) пред претседателските избори во 2019 година, оставки најавија и градоначалникот на главниот град Анкара, Мелих Ѓокчек, како и градоначалникот на Баликесир, Ахмет Едип Угур.
Градоначалникот на Анкара по средбата со претседателот Реџеп Тајип Ердоган во претсадетлската палата, на Твитер најави дека в сабота ќе поднесе оставка, додека пак Ахмет Едип Угур, од градоначалничката функција на Баликесир ќе се збогува в среда