Градот Скопје ќе помогне за изградба на новата градинка во Капиштец

Добивај вести на Viber

Владата на Република Македонија на последната седница донела одлука за давање на право на трајно користење земјиште кое е во сопственост на Република Македонија на Општина Центар со цел изградба на детска градинка. „Станува збор за локација во населбата Капиштец, предвидена со Детален урбанистички план за населба „Капиштец", донесен од 21.12.2012 година од Советот на Општина Центар. Согласно ова, градежната парцела бр 7.4 е предвидена за изградба на објект В2 - Здравство и социјална заштита (детска градинка). Површината на парцелата изнесува 5.320 квадратни метри. На оваа локација во моментов се наоѓа детската градинка ЈДУГ „Кочо Рацин", којашто е во сопственост на општина Центар и на местото на матичниот објект е предвидена изградба на новата детска градинка“, изјави министерот за транспорт и врски Миле Јанакиески. Градоначалникот Коце Трајановски вели дека Градот Скопје ја поздравува оваа иницијатива, која е по барање на жителите на Капиштец. „Градот Скопје изградбата на овој објект ќе ја помогне со ослободување на обврската на Општина Центар од плаќање на надоместокот за уредување на градежно земјиште за оваа детска градинка. Со ова Градот Скопје ќе ја помогне изградбата на овој објект кој е од јавен интерес и е од исклучителна важност за Градот Скопје, општина Центар и населба Капиштец“, кажа Трајановски. Министерот Јанакиески и градоначалникот Трајановски дадоа целосна поддршка за овој проект и упатија апел до Општина Центар да ја започнат што поскоро  изградбата на овој важен инфраструктурен објект. Ваквата одлука ја поздрави грдоначалникот на Центар Андреј Жерновски. „Со ова продолжува традицијата за ослободување од комуналии на сите објекти кои се од општ интерес (градинки, училишта, болници и универзитети). Освен градинката, како што им ветивме на жителите на општина Центар, ја започнавме процедурата за изградба и на ново училиште. Се надевам дека истата кооперативност со Владата на РМ и со Град Скопје ќе ја имаме и во процесот на изградба на ова ново училиште. Очекувам Министерството за транспорт и врски согласно законската процедура и обврски да ја заокружи процедурата за доделување на целото неизградено градежно земјиште во владение на општина Центар“, се вели во писмената изјава на Жерновски