21 Ноември, 2017
0.3839
    ADIN 540    -1.82%     ALK 7350    -0.51%     BESK 10300    0%     CEVI 912    0%     FERS 57750    -2.94%     GRNT 801    -2.95%     KJUBI 1400    -2.78%     KMB 2700    0%     LOTO 600    0%     MPT 26900    -0.37%     MTUR 4224    3%     OHB 4851.54    -0.17%     REPL 54800    0.37%     RMDEN11 96    -0.62%     RMDEN13 96.4    1.47%     RMDEN15 95    0.05%     STBP 600    -0.17%     TETE 1938    4.76%     TNB 13500    -0.01%     TTK 816    0.38%     UNI 1905    0%     ZPKO 2600    -2%

Граѓанските организации подготвија реформи за излез од кризата

Објавено во: 08 Јули, 2016

Граѓански организации и експерти подготвија Предлог за итни демократски реформи, кои имаат за цел да ги вратат демократските стандарди и вредности во Македонија.

Со тоа сметаат ќе се врати и довербата на граѓаните во државните институции. Со предложените итни реформи кои ќе создадат услови за слободни, фер и кредибилни избори. Се предлагаат реформи во секторите: јавни финансии и економија, правосудство, борба против корупција, избори и изборен систем, медиуми, јавна администрација и други области.

„Сметаме дека овој документ треба да се прифати во целина. Прифаќањето на дел од документот, а отфрлање на друг дел, нема да доведе до посакуваниот ефект. Потребно е да се обезбеди суштинска вклученост на граѓанското општество во проценката на состојбите во институциите, но и во мониторингот и  евалуацијата на спроведување на овие реформи. Вклученост треба да постои на сите нивоа на власта  вклучувајќи ги и независните, надзорните и регулаторните тела“ - велат од граѓанските организации.

Поради степенот на „заробеност“ на државата од владејачките партии, најдобро е предложените мерки да ги спроведе експертска влада, сметаат граѓанските организации.

Овој документ денеска му беше презентиран и на Оливер Спасовски, генералниот секретар на СДСМ. Тој рече дека се потребни коренити реформи во државата,  кои ќе обезбедат квалитетен живот за граѓаните и демократска и сигурна иднина на Македонија.