Грчките пензионери го запалија европското знаме
Објавено во: Балкан, Финансии 08 Октомври, 2012
Стотици грчки пензионери денеска учествуваа на протестите во Атина поради планираните намалувања на приходите согласно новата програма за штедење.
Скандирајќи пароли против ваквите мерки, околу 300 пензионери се собраа на мирен протест пред канцелариите на ЕУ и го запалија знамето на Унијата.
Двата најголеми синдиката во Грција, ГСЕЕ и АДЕДИ за пополаднево закажаа одржување на митинзи. Презадолжената Грција се надева на меѓународните спасувачки кредити за намалување на огромниот буџетски дефицит. Повеќе од еден месец Атина преговара со своите меѓународната тројка кредитори за нова финансиска помош во износ од 13,5 милијарди евра во следните две години.