Грчките штедачи ги раситнуваат банкарските сметки под сто илјади евра
Објавено во: Балкан 03 Април, 2013
Илјадници штедачи во Грција почнаа да ги раситнуваат банкарските сметки на различни носители со цел да избегнат венетуално оданочување, слично како на Кипар, каде беше договорено оданочување на депозитите над сто илјади евра, јавуваат локални медиуми.
Грците прават напори за задржување на сметките на физичките лица под 100.000 евра.
Во изминатите две недели во грчките банки се поднесени голем број барања од клиенти за раситнување на штедните влогови на повеќе различни помали сметки, кои ќе бидат под границата од сто илјади евра.
Причина за тоа е усвоениот од Еврогрупата план за спас на Кипар, што предвидува 60-процентно намалување на депозитите над 100 илјади евра на островот.