Грчките служби ги откриле Грујевски и Бошковски по лошо изработените бугарски пасоши
Објавено во: Македонија 19 Октомври, 2017
Лошо изработените бугарски пасоши ги издадоа Грујевски и Бошковски кај грчките погранични служби, пренесуваат дел од медиумите повикувајќи се на грчки официјални извори.
Двајцата бегалци по кои се трагаше од 18 јули вчера на аеродромот во Солун биле уапсени со лажни пасоши во моментот кога се обидувале да заминат во земја од ЕУ.
Полицијата на Грција за апсењето веднаш го известила МВР, каде што очекуваат денес да добијат и официјално известување, после што ќе почне постапката за екстрaдиција.
Екс началникот на одделението на УБК за следење на комуникации Горан Грујевски и неговиот соработник Никола Бошковски се обвинети во случаите кои ги води СЈО за прислушување на разговорите.
И двајцата после покренување на обвинението добија притвор, но не се приведени веднаш, туку им е овозможено прво да се жалат до Врховен суд. Тој период Грујевски и Бошковски го искористиле да го подготват бегството, во кое беа 84 дена.