Грчките туристички работници се креваат на штрајк
Објавено во: Балкан 19 Јули, 2017
Грчките работници во туризмот утре ќе се кренат на штрајк поради тоа што не добиваат никакви покачувања на примањата, а работат се уште во незавидни услови кои никако да се подобрат иако земјата бележи рекордни приходи од гостите од странство.
Грчката федерација на вработени во угостителство и туризам соопшти дека вработените во овие дејности утре ќе одржат 24-часовен штрајк, со цел да извршат притисок за подобри работни услови.
Според синдикатот немилосрдноста на работодавачите целосно ги нарушила работните односи, платите останале мали, а намалени се и придонесите за труд и социјално осигурување.