Грците се пребројуваат пред средбата на Ципрас и Заев

Добивај вести на Viber

Грчките опозициски партии видоа одлична можност да се промовираат себеси и да ја нападнат владата на премиерот Алексис Ципрас со тврди националистички настапи. Пред утрешната средба меѓу грчкиот премиер Ципрас и македонскиот премиер Заев која треба да се одржи на маргините на Светскиот економски форум во Давос, во Грција се лицитира со бројки за масовноста на протестите во Солун каде беше испратена порака да не се прифати компромис и да не му се дозволи на соседот да го користи терминот „Македонија“ во своето име.

Најрадикално толкување на демонстрациите во Солун даде Адонис Георгиадес, потпретседателот на опозициската партија Нова Демократија. Според него на улиците во Солун имало неверојатни 500 илјади луѓе што е речиси половина од масовните протести во 90-тите години кога Македонија ја прогласи својата независност што предизвика грчка блокада и наметнување на тешко ембарго, а потоа и болни политички одлуки.Георгиадес тврди дека сега Ципрас е во неволја.

Грчките опозиционери, особено од десницата прават се посилни обиди да извршат притисок врз премиерот Ципрас посочувајќи им да го „почитувал гласот на народот“, односно да ја прими пораката да не се прифаќа терминот „Македонија“ што е најдеструктивната грчка политика во последните години, речиси на исто ниво како ветото на самитот на НАТО во Букурешт во 2008 година кога Република Македонија беше целосно блокирана.

Владата на Ципрас и натаму истакнува дека нема да биде премислена да го напушти курсот на преговори и укажаната шанса за изнаоѓање на компромисно решение кое ќе стави крај на деценискиот спор и ќе и овозможи на грчката дипломатија да прикаже конструктивност во меѓународните односи. 

Според официјалните пресметки на протестот во Солун според грчките власти имало 50 илјади присустни, додека пак полицијата во Солун извести за бројка од 90 илјади демонстранти. 

Х.С.