20 Ноември, 2017
1.7542
    ADIN 550    0%     ALK 7387.5    -0.29%     GRNT 825.36    -0.67%     KMB 2700    -0.04%     MPT 27000.21    -2.81%     MTUR 4101    -8.87%     OHB 4860    -2.8%     OKTA 2753    -2.97%     PPIV 39205    3%     REPL 54600    0%     STB 919.65    -1.62%     STIL 130    0%     TEL 272    0%     TETE 1850    2.78%     TPLF 1607    -2.97%     TTK 812.95    -0.74%     UNI 1905    -0.01%     VITA 7500    0%

Груевски го достигна дното со заканата за ликвидација на Заев

Објавено во: Анализа 07 Декември, 2016

За Никола Груевски како политичар се помалку може да се издвојат пофални зборови, па оваа најцрна кампања досега против опозицијата тој се чини дека отиде предалеку и на симболичен начин на Заев му порача дека заслужува да биде физички ликвидиран. 

Се поголем број на аналитичари, професори и новинари ги осудуваат зборовите на Груевски дека ако Гоце Делчев бил сега жив на Заев би му го испратил Ќосето кој вршел убиства и атентати за револуцинерната организација, а историјата го бележи како еден од најголемите крвници на своите соборци кои биле ставани на списоците за ликвидирање. 

„Простете дaми и гoспoдa aмa сите грaници се преминaa… Дa му се зaкaнувaш нa лидер нa oпoзицијa сo смртнa пресудa, кaкoв сaкa некa е, е чoвечкo днo и срaмoтa. Јaснo ми е декa се рaбoти зa чист PR и декa е зa предизбoрни цели, нo сите лидери мoрa дa бидaт минимaлнo oдгoвoрни зa тoa штo гo гoвoрaт. Луѓе мoе, нa сите пoлитички стрaни имa рaдикaлни ликoви кoи мoжaт oвa дa гo свaтaт кaкo пoвик нa линч“, реагира универзитетскиот професор Ненад Марковиќ.

Проблематично е што во црната кампања која веќе не се базира на спротиставување на политичка идеологија туку панично и параноично обвинување се вклучија и дел од провладините новинари кои имаат слични ставови за ликвидација на Заев.

„Абе не си игрaјте сo вaкви рaбoти мaјкaтa. Знaм декa е кaмпaњa, aмa oпрaјте се. Уште и нoвинaри му се зaкaнувaaт нa Зaев декa ќе биде убиен. Знaете ли кaкoв циклус нa нaсилие мoже дa се предизвикa сo вaкви неoдгoвoрни пoстaпки? Знaете ли кaкoв јaз се сoздaвa вo мaкедoнскoтo етничкo и грaѓaнскo ткивo? Знaете ли декa не ти вреди ниеднa влaст aкo пoсaкувaш нечијa смрт? Абе мoи пaтриoти… Пaтриoтизмoт пoдрaзбирa дa си ги сaкaш сoгрaѓaните, припaдниците нa свoјoт етникум, a зoштo не и другите етникуми и вери… И oние кoи се слaгaaт сo тебе и oние кoи не се слaгaaт. Инaку не си пaтриoт, сaмo идиoт… Нaјгoлемaтa пoследицa нa пoлитичкaтa кризa вo РМ пoследниве гoдини е губење нa секoе чoвечкo дoстoинствo“, смета професор Марковиќ.

- Воопшто не се сомневам дека ако беше жив, Андон Лазов Јанев – Ќосето денеска ќе работеше за поранешниот премиер Никола Груевски. Најверојатно во обезбедувањето. Или како возач, со оглед на тоа дека својата богата кариера, Андон ја почна како пајтонџија на Христо Татарчев. Сега заедно со шефот ќе хараа по четвртата изборна единица во лов на глави, односно гласови. Ќе се закануваа, ќе киднапираа, ќе праќаа семејства по ендеци. Ееее, какви сѐ случки ќе имаат Грујо и Ќосето заедно, пишува Сашо Кокаланов во колумната „Докурчев со Ќосето“.

Сашо Ордановски пак, смета дека ако Ќосето бил жив ситуацијата би била обратна. 

- Инаку, Ќосето не е познат по убивање на никој друг отколку на луѓе од ВМРО, вклучително и неговиот брат. Така што, сè се плашам дека ќе го убиеше Груевски, а не Заев, вели Ордановски и смета дека ваква изјава во нормална земја би довела до сигурен пораз на изборите. 

Груевски изрично посочи: „Тој најде да го цитира Делчев. Јас ќе му кажам. Да беше Делчев денеска жив, тој немаше да може со него да се поздрави, на него ќе му беше пратен само Ќосето да ја заврши приказната со таков човек“, а сега бара оправдувања и спинува дека не мислел воопшто на повик за физичка ликвидација. 


Можеби ќе ве интересира

Ќе влезе ли Јовевски во пакет со новите министри во Собрание?

Ќе влезе ли Јовевски во пакет со новите министри во Собрание?

Супер што Владата обезбеди инкубатори, но зошто киксна со самофалбите?

Супер што Владата обезбеди инкубатори, но зошто киксна со самофалбите?