20 Ноември, 2017
0.3759
    ADIN 550    0%     ALK 7387.5    -0.29%     GRNT 825.36    -0.67%     KMB 2700    -0.04%     MPT 27000.21    -2.81%     MTUR 4101    -8.87%     OHB 4860    -2.8%     OKTA 2753    -2.97%     PPIV 39205    3%     REPL 54600    0%     STB 919.65    -1.62%     STIL 130    0%     TEL 272    0%     TETE 1850    2.78%     TPLF 1607    -2.97%     TTK 812.95    -0.74%     UNI 1905    -0.01%     VITA 7500    0%

Груевски го има мандатот, но влада без ВМРО-ДПМНЕ отвара опасни сценарија?

Објавено во: Македонија, Анализа 09 Јануари, 2017

Претседателот Ѓорге Иванов можеби непотребно, но тактизираше и почека да завршат празниците, за од денес да ја исполни својата уставна надлежност и официјално да го додели мандатот на предводникот на партијата која победила на парламентарните избори, а тоа се Груевски и ВМРО-ДПМНЕ. 

Бидејќи нема сомнежи дека Груевски ќе биде новиот мандатар треба да се мисли и на рокот за составување на влада кој истекува на 29 јануари, а како и сите други политички процеси најверојатно и понатаму ќе има тактизирање и „пеглање“ на односите до последен момент. 

Засега ракавицата ја фрли Ахмети кој и не така успешно го заврши процесот на носење на заедничка декларација со сите албански партии со цел да покаже дека на прво место му е интересот на албанскиот народ во Македонија. Заедничката платформа се уште не е потпишана од ДПА, БЕСА критикува дека нема да поддржи влада во која има осомничени функционери од СЈО и од случајот Маџар Телеком, додека пак Алијанса на Албанците е како џокер во покер и може да влезе во Влада со ДУИ доколку таму дојде до некакво отцепување на два или три пратеника. 

Секако, Груевски сега чуствува огромен притисок бидејќи за време на кампањата и по неа беше жесток критичар на албанската вклученост во СДСМ и неочекувано нивниот добар број на гласачи, наметна негативна реторика за албанскиот јазик и за некаква закана за двојазичност која ниту една албанска партија не ја спомена, ниту пак опозицијата, за сега да мора да разговара со албанскиот фактор во земјава за официјализирање на албанскиот јазик, за државните симболи, за решавање на спорот за името, за поддршка на жестоко критикуваното СЈО од негова страна и многу други тешки теми. 

Груевски упати и скриена закана дека нема да биде добро ако ВМРО-ДПМНЕ биде „изиграно“ и никоја од албанските партии не прифати со нив да формира владина коалиција. Последиците може да бидат големи, од пожестока реторика и понатамошни поделби на меѓуетничка и меѓумакедонска основа доколку СДСМ успеа да формира влада, па се до инциденти и жестоки протести на членството на ДПМНЕ кои би довеле до конфликт.

Автор: Христијан Станоевиќ

Можеби ќе ве интересира

Шилегов: Наместо Новогодишна прослава на плоштад парите да се донираат

Шилегов: Наместо Новогодишна прослава на плоштад парите да се донираат

Кој е советникот од ВМРО ДПМНЕ што призна вина за „шамарите во Центар“?

Кој е советникот од ВМРО ДПМНЕ што призна вина за „шамарите во Центар“?

„Траекторија“ на СЈО е на прав пат

„Траекторија“ на СЈО е на прав пат

По искрите во односите Заев ќе го зацврстува пријателството со Србија

По искрите во односите Заев ќе го зацврстува пријателството со Србија

„Тврдокорните“ повикуваат на протест против воведување двојазичност и албанизација

„Тврдокорните“ повикуваат на протест против воведување двојазичност и албанизација

Иванов го пречека албанскиот колега со сите високи почести

Иванов го пречека албанскиот колега со сите високи почести

Снимката од Јутјуб го одложи Поткуп, Заев дојде во судница

Снимката од Јутјуб го одложи Поткуп, Заев дојде во судница

Ѓорѓевски: Соломонско решение за македонското црковно прашање

Ѓорѓевски: Соломонско решение за македонското црковно прашање

Што ќе преземе градоначалникот Шилегов за загадувањето во Скопје?

Што ќе преземе градоначалникот Шилегов за загадувањето во Скопје?