Груевски, Јанакиески и Рангелова се изјаснија за невини за насилствата во Центар
Објавено во: Македонија 20 Ноември, 2017
Поранешниот премиер и лидер на ВМРО-ДПМНЕ, Никола Груевски, поранешниот министер за транспорт и врски, Миле Јанакиески и пратеничката Даниела Рангелова денеска во суд се изјаснија дека не се чувствуваат виновни за делото за коe се товарат.
„Имав можност за првпат да кажам пред судот дека сум невин“ - рече Груевски.
Во Кривичниот суд денеска имаше главна расправа за случајот „Насилство во Центар“ во кој се обвинети 14 лица. Обвинителката од СЈО, Фатиме Фетаи го прочита обвинението.
Иако одбраната на обвинетите бараше одложување на расправата, судијата не ги прифати предлозите и ја почна главната расправа за предметот.
Апелација ја прифати жалбата на СЈО и одлучи дека во доказната постапка може да се користат снимките од прислушуваните разговори. Во судот издвоена постапка за обвинетиот Томислав Лазаров.