ГРУЕВСКИ ОД СТРУГА: Заев има опасна цел за редефинирање на државата

Добивај вести на Viber

Партијата која е на власт речиси десет години, вечерва оддржува митинг во Струга.

Оттаму пред Стружани, лидерот Груевски говорот го започна со тврдења дека неговиот ривал Заев има за цел редефинирање и федерализација на државата.

Груевски дел од својот говор посвети и на изборната кампања на СДСМ, која како што слушнавме била набрзина напишана колку да се каже дека имаат програма, и дека била препишана и нереална и измислена.

„На брзина напишале програма колку да се рече дека имаат нешто па ветуваат проекти кои веќе, рече Груевски, ние ги реализираме, како автопатот Скопје Штип, Демир Капија Смоквица, Кичево Охрид, како и регионалниот пат Кочани Македонска Каменица Делчево. А на овие делници машини работат. Тоа е понудата на Заев. Измислено, препишано, нереално“, рече Груевски.

Екс премиерот од Струга повторно ветуваше реализација на патишта, инфраструктура, подобар живот.

„Важно е сите заедно да се сплотиме и да не дозволиме Македонија да биде жртва на неизвесноста која Сдсм и Заев сакаат да ја создадат со нивните опуштени изјави кои имаат многу опасна и сериозна цел“, посочи носителот на изборната едница четири од владеачката партија.