Груевски, Протуѓер, Јанакиески, Јанкулоска, Мијалков-дел од „тајфата“ за која Јанева бара притвор
Објавено во: Македонија 29 Јуни, 2017
17 обвиненија за 18 предмети, и обвинети 94 физички и 7 правни лица-Ова го обелодени на денешната прес конференција тимот на СЈО.
Во предметите на СЈО се сомничат високи функционери од ВМРО ДПМНЕ, екс директори и екс министри за кои Катица Јанева бара одредување мерка притвор.
Давајќи им одговор на новинарите, специјалната јавна обвинителка потврди дека е побаран притвор за лидер на политичка партија.
Имајќи ги предвид досегашните образложенија и сознанија од СЈО за случајот „Титаник“ кој се однесува на изборни нерегуларности извесно е дека се работи за екс премиерот Никола Груевски.
Освен за него, притвор се бара и за неговиот поранешен шеф на кабинет Мартин Протугер, за поранешниот министер за транспорт и врски, Миле Јанакиески, поранешниот генерален секретар на партијата, Кирил Божиновски и поранешната министерка за внатрешни работи Гордана Јанкулоска. Оваа „дружина“ се сомничи во случајот „Титаник“.
Истрагата на „Тендери“ бара притвор за Елизабета Канческа Милевска додека во „Тотал“, побаран е притвор за новинарот и уредник Драган Павловиќ Латас.
За Владимир Пешевски се бара притвор во случајот „Траекторија“, додека за екс директорот на УБК Сашо Мијалков, СЈО бара притвор во случаите „Тврдина“ и „Таргет“
Случаите „Таргет“ и „Тврдина“ се обединети во еден предмет, а случаите „Тврдина 2“, „Транспортер“ и Насилство во општина Центар веќе се во судска постапка.