24 Февруари, 2018
0.5058
    ALK 7926.24    0.48%     GRNT 818    0.99%     KMB 3350.61    -0.14%     PPIV 39900    2.05%     RMDEN15 95    -0.11%     RMDEN16 95    0%     STBP 650    8.33%     STIL 140    0%     TEL 295    -0.18%     TNB 14052.14    2.39%     TPLF 1712.35    0.69%     UNI 2050    0%     VITA 7790    0%

Груевски „распука“ по Заев во неговата Струмица - Кој лидер заврши повеќе работа?

Објавено во: Анализа 09 Октомври, 2017

Груевски на вчерашниот митинг на ВМРО-ДПМНЕ во Струмица која се смета за срцето на неговиот најлут политички ривал Зоран Заев се обиде директно да го нападне и да им докаже на струмичани дека актуелниот премиер треба да биде казнет за политиките кои ги води и дека всушност поранешната влада на Груевски направила многу повеќе за Струмица отколку Заев како нејзин долгогодишен градоначалник. 

Груевски не го споменуваше Заев директно по име што е типично за ВМРО-ДПМНЕ ќе ве потсетиме на флоскулата лицето Б.Ц., но тоа не значи дека го „поштеди“ во својот говор нарекувајќи го политичар кој нема патриотски чуства, дека не ги почитувал националните симболи и дека е на пат да ја уништи македонската економија. Говорот на Груевски е обемен па затоа ќе ви селектираме неколку поважни поенти.

- Лицето кое ја води СДСМ не вреди, заслужувате подобро. Вие заслужувате подобро. Затоа што овој човек не е загрижен за намалување на невработеноста, не е загрижен за развојот и напредокот на нашите градови и општини, за обезбедување на среќата и спокојството на вашите семејства. Погледнете дека тој не е загрижен за земјоделците, работниците, невработените, ги нема во својата агенда. Тој нема љубов кон знамето и татковината. Ова првенствено се должи на неговата единствена агенда: Груевски. Тој за мене зборува 24 часа на ден. Зошто? Затоа што многу добро знае дека нема капацитет и способност да преземе одговорност за она што треба да го направи и да го надгради она што ние досега сме го направиле. Тој нема храброст да ги реализира сите решенија и проекти што ги замислуваме за нашата земја. Тој воопшто не може да ја оствари визијата и соништата што ги подготвуваме за Македонија, посочи Груевски на вчерашниот митинг во Струмица.

Најгрубите зборови со кои Груевски го нападна Заев е токму употребата на струмичкиот карневал кој гордост на градот за да го навреди својот ривал.

- Изгледа дека нема да има лице и храброст да научи, но ајде ние да го научиме. Тој само парадира секојдневно како да е карневал во Струмица. Тој е празен човек, празен човек. Тој не може да постигне ништо. Но, тој заслужува добра лекција, изјави Груевски.

Откако направивме анализа на говорите на Зоран Заев од централниот митинг на СДСМ во Скопје и поеднакво важниот митинг на Никола Груевски и ВМРО-ДПМНе во Струмица, што мислите кој од двата партиски лидера заврши подобра работа?

Автор: Христијан Станоевиќ

Можеби ќе ве интересира

Дали е време Лилјана Поповска да се повлече од политиката?

Дали е време Лилјана Поповска да се повлече од политиката?

Манифести, меморандуми, апели - Кој би ги прекинал преговорите за името?

Манифести, меморандуми, апели - Кој би ги прекинал преговорите за името?

Дали фан клубот му направи услуга на Заев и ПР тимот на Владата?

Дали фан клубот му направи услуга на Заев и ПР тимот на Владата?