Груевски ветува мед и млеко - 10% невработеност и два ипол пати побогати граѓани

Добивај вести на Viber

Никола Груевски на централниот митинг на ВМРО-ДПМНЕ во Велес ја изрази поддршката за кандидатот за градоначалник Славко Чадиев, ја поздрави неговата досегашна работа и продолжи со своите ветувања кои повеќе наликуваат како одлуки на централната власт од која зависат законските решенија, а не од самата локална власт и општините кои немаат таков вид на ингеренциии. 

Груевски ветува мед и млеко, „Нова ера“ со нови работни места, враќање на светлината како неговите пеесетина градоначалници од редовите на ВМРО-ДПМНЕ досега воопшто и ништо да не сработиле, па сега треба одново да се работи.

„15 октомври е почетокот на новата ера, почетокот на новиот напредок, на доаѓање на светлината. Во новата ера ќе нема неасфалтирана улица, ќе има парк во секое маало. Во новата ера ќе отвориме 150 илјади нови работни места, а невработеноста ќе ја симнеме под 10%. Може да навредуваат и плукаат, но фактите се факти и тоа не можат да го избришат колку и да не маваат со кал или да лажат“, рече Груевски на митингот во Велес.

Тој најави и нова ера на 2.5 пати повисок приход по жител, односно од 5 на 12 илјади долари просечно по глава на жител, што ќе значи 2.5 пати побогати граѓани.

„Нова ера на најниски даноци. Поголеми плати, пензии субвенции. Нова ера во која учениците од прво до петто ќе имаат бесплатен здрав оброк на училиштата, со што ќе обезбедиме прво здрава храна за учениците, а потоа и заштеди за родителите, изјави Груевски“.