Грујовски има амбиции да го презеде ССМ
Објавено во: Економија 10 Октомври, 2017
Пецо Грујовски, актуелен претседател на Синдикатот на работниците од управата, правосудните органи и здруженија на граѓани (УПОЗ) има амбиција да го презеде раководењето на централната синдикална организација ССМ.
Одлуката за неговата кандидатура е донесена на седница на Претседателството на УПОЗ одржана на 5 октомври.
На претстојниот вонреден конгрес, кој најверојатно ќе се одржи во ноември, Грујовски треба да има поддршка од најмалку шест гранкови синдикати во кои членуваат најмалку една третина од вкупниот број членови на синдикатите здружени во ССМ.
Грујовски вели дека поддршката од гранковите синдикати ќе ја бара со програма што ќе ја презентира во наредниот период.
Вршител на должност претседател на ССМ е Дарко Димовски, кој доаѓа од СУТКОЗ и тој најверојатно ќе се кандидира за официјален мандат. Четири гранкови синдикати со најголем број на членови претходно донесоа одлука за разрешување на Живко Митревски по што повеќе од една година се водеше правна битка за избор на легитимниот претседател Димовски.