Халкбанк отсега и во Илинден

Добивај вести на Viber

Во населбата Илинден е отворена нова филијала на Халкбанк во присуство на главниот извршен директор на банката, Неџдет Палакчи и градоначалникот на општината Илинден, Жика Стојановски. На правните и физички лица од оваа општина ќе им бидат на располагање сите производи и услуги на банката - штедни влогови, платен промет во земјата и странство, електронско банкарство, кредитирање на правни и физички лица, трансакциски сметки, менувачко работење, Western Union трансфер на пари, VISA, MasterCard и Maestro платежни картички, електронско банкарство  и друго, велат од Халкбанк. -Среќен сум што денес официјално отвораме уште една филијала, со што се проширува семејството на Халкбанк. Верувам дека отворањето на филијалата ќе придонесе за уште поголем развој на оваа општина, која се наоѓа на стратешки одлична позиција и е во постојан раст ”, изјави Палакчи Градоначалникот на општината Илинден, Жика Стојановски, исто така го изрази своето задоволство од отворањето на филијалата. -Би сакал да им се заблагодарам на сите кои се заложија да се отвори оваа филијала. Поддршка од една сериозна банка е многу значаен сегмент за одржливиот развој на општината, особено кога се работи за една од најголемите и најуспешните банки во регионот,” рече Стојановски Дистрибутивната мрежа на Халкбанк сега брои вкупно 28 филијали и експозитури во 12 градови низ државата. Од банката изјавуваат дека следна цел е понатамошно проширување на мрежата со цел да се зголеми достапноста до клиентите, како и подготовка и понуда на нови атрактивни производи.