Хан: Младите да гласаат, тие може да донесат промени во општеството

Добивај вести на Viber

Еврокомесарот Јоханес Хан денеска од Скопје, изјави дека изборите во Македонија се многу важни за ЕУ, но е важен и денот после нивното одржување кога ќе бидеат прифатени како совршени и ќе продолжи спроведувањето на итните приоритети за реформи од новата влада. 

Ова е пораката што еврокомесарот за проширување Јоханес Хан им ја предаде на клучните политички играчи во земјата. 

Според него разговорите биле многу конструктивни од претходните. Хан посочи дека изборите се многу важен чекор за враќање на Македонија во евроатлантските пат, но не помалку важно е да се исполнат сите елементи од Договорот од Пържино кои се подеднакво важни.

Еврокомесарот истакна дека во пресрет на изборите веќе се исполнети многу точки- чистење на избирачките списоци, неутралност и непристрасност во медиумите, но треба и другите прашања да бидат решени - како големината на шесттата единица, на пример. 

Јоханес Хан ја повика новата влада, која ќе биде формирана по изборите, не само да даде ветувања за реформи, туку и да подготви план со јасни рокови поврзани со конкретни реформи кои ќе нема како да бидат неисполнети.

Хан се сретна со партиските лидери, кои ставија потпис на Договорот од Пржино - Никола Груевски, Зоран Заев, Мендух Тачи и Али Ахмети. 

Одделно разговараше и со премиерот Емил Димитриев, со претставници на граѓанскиот сектор и со шефицата на специјалното обвинителство Катица Јанева.

Хан ги повика младите луѓе да го искористат своето право на глас, истакнувајќи дека тие може да донесат промени во општеството. 

Еврокомесарот ја искористи посетата на Република Македонија, за да даде висока оценка на земјата и регионот за придонесот во справувањето со миграционата криза.