Хан утре во Скопје - со кого ќе се сретне?
Објавено во: Македонија 13 Октомври, 2016
Еврокомесарот за проширување и за добрососедска политика, Јоханес Хан, утре доаѓа во Скопје, при што ќе се сретне со лидерите на четирите политички партии, потписнички на Договорот од Пржино, специјалната јавна обвинителка Катица Јанева и со претставници на невладиниот сектор.
Хан ќе разговара со лица за кои има ефективни обвиненија, со обвинителот кој ги гони, политички лидери кои се или биле на црната листа на Соединетите Американски Држави (САД) и со претставници на невладини организации за кои се води судска постапка, има прекршочни пријави и изречени им се казни.
Се очекува Хан да ги отвори темите за почитувањето Договорот од 20-ти јули, состојбата во пресрет на изборите, опасностите за опструкција на изборниот процес и спроведувањето на реформите препорачани од Европската Комисија.
Годишниот Извештај за напредокот на Македонија кој ќе биде објавен кон средината на ноември.
Минатата недела, Собранието не ги прифати барањата на СЈО за продолжување на рокот
на неговата работа и за измени во Законот за заштита на сведоци.