Харадинај денес пред правосудните власти на Франција, Србија тврди оти има уште цврсти докази

Добивај вести на Viber

Извори од француското правосудство соопшти дека истражителите денеска ќе разгледаат дали постојат докази да не се спроведе барањето за екстрадиција на Рамуш Харадинај, претседател на Алијансата за иднина на Косово.

Истите извори наведуваат дека тоа прашање ќе се разгледа „посебно во случај ако се работи за издавање на налози од политички причини“.

Изворот додал дека истражителите ќе разгледат дали на него веќе му било судено пред Судот на ОН за воени злосторства поради истите обвиненија поради кои е издадена и потерницата.

Истовремено, портпаролот на Алијансата за иднина на Косово, Мухарем Нитај изјавил за РСЕ дека се очекува Харадинај да биде изведен денес пред француските правосудни органи.

Од Обвинителството за воени злосторства на Србија пак соопштуваат дека се соберени уште докази кои ги дополнуваат обвинувањата кои му се ставаат на терет на Харадинај.

Раководителот на Обвинителството Милан Петрович рекол за РТС дека Србија е задоволна што по потерницата на српското правосудство се постапува во земјите на ЕУ.

Кога е во прашање забрзана постапка на испорачување, Петровиќ истакнал дека тоа е можно само со согласност на лицето против кое се бара екстрадиција.

-Не може Србија тука ништо да направи бидејќи процесот на забрзано испорачување зависи од лицето кое е уапсено и против кое се бара екстрадиција. Значи, забрзана постапка може да биде само со негова согласнот, во спротивно трае доста долго,рекол Петровиќ.