Харадинај слободен - крвник во Србија, херој на Косово
Објавено во: Балкан 27 Април, 2017
Рамуш Харадинај е слободен човек откако францускиот суд донесе одлука да не дозволи негова екстрадиција во Србија каде треба да му се суди за воени злосторства и токму поради распишаната меѓународна потерница беше и притворен во Колман.
По ослободувањето од притвор Харадинај процени дека е голема победа за Албанците, а во Приштина веќе се слави како херој.
„Бидејќи сега сум слободен, одам да си го земам пасошот во Стразбур. Се надевам дека денес ќе се вратам на Косово. Изгубени се четири месеци, времето е драгоцено“, кажа Харадинај.
Сосема разочарувачки се реакциите на Белград каде Харидинај е оценет како злосторник и крвник кој за време на војната извршил тешки злодела врз српското население на Косово, а закажана е и итна седница на владата.Харадинај ќе може да го подигне својот пасош и наскоро да се врати на Косово каде постои шанса повторно да се кандидира за премиер.