Холандски ВПТЕКС регистрираше фирма во Македонија

Добивај вести на Viber

Друштво за производство и трговија ВПТЕКС Македонија ДООЕЛ е името на компанијата која холандскиот текстилен гигант Ван Пајнброк Текстил ја основаше во Македонија. Според информацијата објавена на Централниот регистар,основач на друштвото во Македонија е Б.В Текстилфабрикен Х.Ван Пујенброек Текстил од Холандија, а основната дејност на фирмата е производство на работна облека. Управител на македонската подружница е Маргарита Јакимовска Аврамовска од Скопје. Холандскиот инвеститор во септември минатата година започна со изградба на производствениот погон во Македонија кој се наоѓа во општина Илинден. Вкупната инвестиција во изградба на современата фабрика за производство на висококвалитетна заштитна облека изнесва два милиони евра. Ван Пајнброк Текстил која во Македонија е присутна веќе 40 години преку својата филијала ВПТЕКС која досега само соработуваше со македонски текстилни фирми. Компанијата, освен што ќе има своја фабрика, и натаму ќе соработува со домашните компании, а производството ќе биде наменето за странските пазари, пред се за земјите од Бенелукс. За потребите на фабриката ќе се вработат 180 луѓе. Холандската фабрика се простира на површина од 2500 квадратни метри и треба да биде готова пред летото.