Хрватите казнуваат: Кој се шета во костим за капење во овој град-казна 600 евра

Добивај вести на Viber

Како што тоа и претходно го најави, хрватскиот градоначалник Рикардо Новак им објави војна на разголените туристи и голотија на улиците во својот град.

На влезот во Хвар овој викенд осамна табла со предупредување до гостите и казните кои ги очекуваат во случај на непримерно однесување.

Кој низ градските улици шета во костим за капење, ќе плати до 600 евра, жените во горен дел од костум за капење и мажи со голo торзо до 500 евра,а оној кој се „влече“ по улица со шише во рака и пијан лежи на улица ќе плати казна до 700 евра.

Градоначалникот на Хвар Рикардо Новак неодамна ги прозва бротанските туристи поради пијанчење и разголеност.

„Повраќаат низ град, уринираат на секој ќош, одат без маичка, спијат на градски површини, лутаат наоколу и не знаат за себе“, рекол Новак во интервју за Слободна Далмација.

„Се има свои граници. Угостителите не би требало да ги примаат голи во своите објекти и треба да престанат да им точат алкохол ако видат дека испиле премногу“, смета градоначалникот на Хвар.

Новак рекол дека Хвар не сака да биде исклучиво парти дестинација.

„Младите туристи се добредојдени, но ќе мора да знаат како се однесува овде. Заработка по секоја цена не е туризам каков што сакаме на островот“, рекол Новак.