Хрватска направи сериозни промени во даноците
Објавено во: Балкан 03 Декември, 2016
Сериозна промена во однос на даноците очекува Хрватска од 1 јануари следната година.
Реформата вклучува промени во Законот за данок на доход. Благодарение на исправка во последен момент од страна на владата, деца, сопрузи и другите членови на семејството нема да плаќаат данок на доход од пензиски заштеди, наследени од вториот столб на пензискиот систем.
Таков текст беше вклучен во конечниот текст на предложениот закон, но владата поднесе амандман во последен момент пред гласањето.
Парламентот на Хрватска исто така ги промени законите за корпоративните даноци и за доведување на плати.
Во системот на придонесите главната промена е воведувањето на обврската за плаќање на придонесите за пензиско и здравствено осигурување на т.н.. други приходи - хонорари добиени од уметници, новинари, вработени хонорарно и слично.
Еден од законите, кои исто така се менуваат, е овој за решавањето на организационата структура на даночната администрација. Вработените на Независниот оддел за откривање на даночни измами, кој претходно беше дел од Министерството за финансии, сега се префрла кон основниот Даночен орган.