ХРВАТСКА: Укинат надомест за затворање на кредити
Објавено во: Балкан 26 Август, 2017
Банките мора детално да ги известат клиентите за сите трошоци околу кредитот, а тој во рок од 14 дена може да се откаже без причина.
Конечниот предлог закон за станбено потрошувачко кредитирање е испратен во собраниска процедура.
Тој донесува промени кои ќе го заштитат клиентот од банката при земање на кредит.
Откако тој ќе стапи на сила, банките мора да го известат клиентот за сите трошоци, а тој може да се откаже во рок од 14 дена без да наведе причина.
Банките ќе мора да дадат пресметка и на каматните стапки, а законот предвидува и промена на оценката на кредитна способност.
Проценката на кредитната способност се темели на приходи и расходи кои граѓанинот ги има, но не смее да с етемали на фактот дека недвижнината е поскапа од износот на кредитот или дека цената на тој недвижен имот ќе расте.
Со законот се укинува и излезен надомест за кредитот, пишува Вечерњи лист.
Министерот за финансии, Здравко Мариќ вели дека овој закон е потранспарентен од претходниот и дека ќе им понуди поголема заштита на потрошувачите.
За предвремена отплата на кредит надоместот се укинува за станбени кредити, но тоа во иднина треба да важи за сите кредити.
Во Македонија во повеќето случаи се нуди можност за предвремена отплата со сопствени средства без надомест кога се во прашање станбени кредити.