Хуманоста нема граници- такси возење со познати личности

Добивај вести на Viber

Тони, Дани, Ламбе кои ќе бидат на возачкото седиште  сите корисници на такси ќе имаат можност да ги видат и да се превезуваат со нив до саканата дестинација. Додека Лоба и Ивана ќе бидат оние кои ќе ги примаат повиците. Марко пак ќе се погрижи сето тоа да го следи на единствениот џпс систем со кој располага компанијата и ќе се погрижи да стигнете навремено, безбедно и сигурно, давајќи инструкции на познатите каде да завртат и кога да застанат и наплатат. Веднаш по сработената смена, сите тие ќе се упатат кон Интернатот Гоце Делчев од каде што ќе ги земат дечињата со возила на компанијата и целиот ден ќе им го посветат ним. -Едвај чекам да дојде тој час. Навистина се радувам и сум пресреќна што ќе можам барем еден ден да го посветам и поминам со овие дечиња. Планот е веднаш по сработувањето на смената и заработувањето на парите, да ги земеме дечињата и да започне забавата! Да одиме во продавници или во зоолошка, да јадеме чоколади колку што ќе ни посака душата, да се шетаме во парк, да одиме до Милениумскиот крст со жичницата, да го гледаме најновиот цртан в кино... Буквално се што ќе посакаат тоа и ќе го направиме заедно, на наше огромно задоволство“, вели Дани. Во Интернатот се згрижени дечиња на возраст од 6 до 16 години. Сите тие потекнуваат од дисфункционални сиромашни семејства. -Идејата да работат познатите цел еден ден, да го посветат своето време и енергија за да ги анимираат и забавуваат скопјани, а при тоа да заработат и да ги трошат заработените пари од тој ден заедно со нашите штитеници е навистина неповторлива мисија. Големо браво за иницијаторот на оваа кампања и неизмерна благодарност за насмевките на дечињата“, изјави директорката на Интернатот Гоце Делчев, Силвана Терзиева.