И Јанакиески и Божиновски велат дека не влијаеле на сведоци, СЈО го тврди спротивното
Објавено во: Македонија 21 Јули, 2017
Во апелација на јавна седница за жалбите на СЈО дојдоа и екс министерот Миле Јанакиески и поранешниот генерален секретар на Владата, Кирил Божиновски .
И двајцата рекоа дека не им паѓа на ум да бегаат, дека редовно ќе се јавуваат во суд и дека не вршеле влијание врз сведоци.
„Не сум на државна функција и немам намера повторно да бидам, редовно се јавував во СЈО“, рече Божиновски.
Миле Јанакиески пак пред апелационите судии рече дека не помислува да избега, редовно бил достапен за СЈО, и тврдеше дека СЈО ја опструирало работата на одбраната. Рече дека не влијаел врз сведоците ниту учествувал во кроерање на некаков записник и додаде дека не држи обвинението на СЈО и планира да ја докаже својата невиност.СЈО пак со контра тврдење.
Обвинителот Бурим Рустеми пред судиите рече дека Јанакиески не се одзвал на неколку покани на СЈО, имал виска позиција во партијата ВМРО ДПМНЕ и со тоа постои опасност од влијание врз сведоци. Одбраната на Јанакиески тврди дека сите обвинети се јавувале на поканите на обвинителството.