Добивај вести на Viber
Скандалот со коњското месо се прошири и во Романија. Иинспектори од Националната санитарно-ветеринарна агенција во Романија открија пакети со коњско месо, етикетирано како говедско во складиште во округот Илфов, во близина на Букурешт, изјави шефот на агенцијата Михај Цуркану.
Како што информираат романските медиуми, станува збор за околу 100 килограми месо, кое потекнува од магацин во централниот округ Алба, за кои управителот на складот, признал дека ги фалсификувал етикетите.
Според агенцијата, грешно етикетираното месо било наменето за внатрешниот пазар, а не за извоз.
„Не може да се прави поврзаност меѓу тој изолиран случај во Илфов и ситуацијата во другите членки на ЕУ„, истакнуваат претставници на агенцијата.