ИДЕАЛЕН БИЗНИС: За еден килограм 6000 евра

Добивај вести на Viber

Неколку бели тартуфи тешки вкупно околу 850 грама се продадени на традиционална аукција во градот Алба во италијански Пијемонт за вртоглави 75 000 евра.

За тартуфот со сателитска врска се наддаваа заинтересирани купувачи од Дубаи и Хонг Конг, а најмногу понуди претприемач од Хонг Конг.

„Ситуацијата е нешто подобра, меѓутоа очигледно ова нема да биде баш успешна година бидејќи во продажба нема да бидат големи примероци, иако овие помалите се поквалитетни“, рекла за АФП Изабел Џаниколо од Државниот центар за проучување на тартуфите.

„Сушата која го погоди ова подрачје во последните неколку месеци влијаеше на количината, но не и на квалитетот на тартуфите“, рекла Џаниколо, додавајќи дека „цените кои се постигнуваат на аукциите не се пазарни. Се работи за цени чиј приходи одат во добротворни цели“.

Овогодишната пазарна цена изнесува 600 евра за 100 грама, што значи 6000 евра за килограм. Нешто е повисока поради големата суша. Пред година дена килограм можел да се купи за 3-4000 евра.

Белите тартуфи спаѓаат меѓу најчувствителните и најскапи производи на светот, а во делови на Италија се берат од октомври до декември. Исклучително се почитувани поради специфичниот вкус и арома. Белите тартуфи, поради климатските промени во Италија во последните години, ги има се помалку.

Речиси 90 години градот Алба организира двомесечен саем на бели тартуфи на кој се ораганизира и аукциска продажба на овој вид почитувана подземна печурка.