22 Јануари, 2018
0.6097
    ALK 7698.52    0.63%     AUMK 1700    0.06%     GRNT 830    0.73%     KMB 3135.87    -0.52%     MPT 28907    -3%     MTUR 4158    -2.16%     OKTA 3200    2.86%     RMDEN16 94.5    0.11%     RZUS 124    9.73%     STB 970    1.04%     STIL 154    1.61%     TEH 140    -6.67%     TEL 283    1.07%     TETE 2060    3%     TKVS 3106    -3%     TPLF 1798.38    -0.03%     TTK 950    -0.12%     ZPKO 2700    -0.37%

Игрите може да започнат, кој ќе застане на тронот во „Белата палата“?

Објавено во: Анализа 11 Декември, 2017

Откако Централниот комитет на ВМРО-ДПМНЕ и официјално ја прифати оставката на досегашниот лидер Никола Груевски партијата го започнува процесот на пронаоѓање на нови кандидати кои ќе побараат поддршка од над 500 делегати на Вонредниот конгрес кој ќе се одржи на 22 и 23 декември во Валандово. За претседател на ВМРО-ДПМНЕ практично може да се кандидира секој, а пред конгресот тоа ќе може да се направи и со добиена поддршка од членството, како и преку формалните процедури во партијата. 

ВМРО-ДПМНЕ сепак, во овој период не успеа да ги вклучи во процесите незадоволните групи на членови кои бараат реформи и промени, враќање на внатрепартиската демократија и легитимизирање. Тоа може да доведе до нови поделби, но и кочница од старт за било кој кандидат што ќе успее да собере доволно гласови од делегатите да го предводи ВМРО-ДПМНЕ во наредниот период. 

Без препознавање на Реформаторите, ФРОДЕМ или било кои други незадоволни членови ВМРО-ДПМНЕ ќе се соочи со нова серија на критики и ќе делува како затворена партија која не е подготвена на критики и тоа од самите „вмровци“ што може да доведе до нови поделби во десницата. 

Додека јавноста сака да прогнозира и да си игра со повеќе имиња кои изминатите денови се вртеа како можни наследници на Груевски, членството кое бара промени е незадоволно бидејќи не смее партијата повторно да се води како досега. 

Симптоматични беа и изјавите на Антонио Милошоски дека пред Конгресот ќе се преземе се за да се сочува единството во партијата што дава сигнали дека има турубленции и незадоволство. Исто така „шкрипење“ има и со дел од порадикалното членство или барем за таков се смета Филип Петровски кој по последните јавни настапи самиот говореше дека се соочува со првите дози на притисок од партијата.

Новиот лидер на ВМРО-ДПМНЕ ќе има тешка задача да ја одржи партијата обединета, да ги задоволи потребите на различните крила со различни идеи за тоа како треба да се функционира против „режимот“ на Заев и дали опозицијата ќе игра конструктивно или пак ќе се реши на подраматични чекори со бојкот на Собранието и политичкиот дијалог. 

Секако, игрите може да започнат, кандидатите ќе ги засилат своите активности за лобирање со претпазливост да не ги оттуѓат останатите крила во ВМРО-ДПМНЕ и да ја продолжат трката се до одлучувачките моменти пред самото гласање на конгресот. Во оваа трка се очекува притисок да извршат и сестринските партии на ВМРО-ДПМНЕ кои би поддржале одредена струја со што на кандидатот ќе му се даде можност да ја поправи сликата за партијата на меѓународната сцена.

Автор: Христијан Станоевиќ

Можеби ќе ве интересира

Со жалење пренесени националистичките протести во Грција и прогласот на предавници

Со жалење пренесени националистичките протести во Грција и прогласот на предавници

Како Владата ќе ја оцени „петката“ на Нимиц?

Како Владата ќе ја оцени „петката“ на Нимиц?

Владата ќе ја оценува „Рамката“ на Нимиц

Владата ќе ја оценува „Рамката“ на Нимиц

Што чека ВМРО-ДПМНЕ за да се вклучи во консензус за името?

Што чека ВМРО-ДПМНЕ за да се вклучи во консензус за името?

Нимиц со терминот „Македонија“ за решението ги побесна грчките десничари

Нимиц со терминот „Македонија“ за решението ги побесна грчките десничари

ПАВЛОВСКА-ДАНЕВА: Законот за јазиците не може да се носи без опозицијата

ПАВЛОВСКА-ДАНЕВА: Законот за јазиците не може да се носи без опозицијата

Дали Мицкоски екипираше јаки кадри во новата структура на ВМРО-ДПМНЕ?

Дали Мицкоски екипираше јаки кадри во новата структура на ВМРО-ДПМНЕ?

Активно вклучување на бизнис-заедницата во Берлинскиот процес, за долгорочен развој

Активно вклучување на бизнис-заедницата во Берлинскиот процес, за долгорочен развој

ЧУПЕСКА - СТАНИШКОВСКА: Во Струмица ќе нема двојазични униформи

ЧУПЕСКА - СТАНИШКОВСКА: Во Струмица ќе нема двојазични униформи