Илиевски: Во бункер се кријат тие што се качија на Тиранската платформа
Објавено во: Македонија 26 Април, 2017
Богдан Илиевски од „За заедничка Македонија“ на денешниот протестен собир наместо претседателот Иванов одговараше на последните информации дека се подготвува голема акција за апсење на опозиционери од страна на државниот врв, а за тоа време функционерите би се засолниле во скривниците во Јасен ако има инциденти и судири.
- Граѓани за заедничка Македонија деновиве се начитавме најразно разни измислени вести, дека претседателот на државата се спремал да се сокрива во бункер и од таму да командал некакви акции, тоа доаѓа од оние кои дефакто се наоѓаат во бункер, бидејќи не сакаат и не смеат да признаат дека се качиле на Тиранска платформа која води до разнебитување на Република Македонија, изјави Илиевски.
Иницијативата „За заедничка Македонија“ веќе два месеца одржува протестни собири на кои бара партиите да се откажат од Албанската декларација.