Им „цвета“ бизнисот со продажба на облека од втора рака

Добивај вести на Viber

Бизнисот со облека од втора рака „цвета“ кај северниот сосед. 

Вакви продавници  најмногу се отвораат во градовите Белград, Нови Сад, Шабац, Ниш и Зрењанин. Овој вид на продавници претходно се отвораа на периферија од градовите и во неугледни локални, најчесто поради помалиот промет, но и поради луѓето кои се срамат да купуваат ваква облека. 

Во земјата засега работат 740 фирми коишто се занимаваат со препродажба на увозна и носена гардероба, пишува Политика. Но, се претпоставува дека конечниот број на вакви продавници би бил многу поголем, најмалку 1.000 доколку постои официјален список на сите оние кои во изминатата година влегле во тој бизнис. 

„Можно е да има и повеќе, но кај нас се регистрира една, претежна дејност. Фирмите, исто така, имаат можност да се занимаваат и со останати дејности што се законски дозволени. Од Царината, меѓутоа, не успеавме да добиеме податоци за количината на таа стока што во Србија се увезува од Австрија, Германија или Италија, од каде што е оваа облека најчесто доаѓа на нашиот пазар“- велат од Агенција за економски регистри.

Но, времињата се сменија и денес трговците вакви продавници отвораат и на фреквентни места. 

Цените по кои оваа облека се продава се доста ниски.