ИМ ПРОДАВААТ БЕБИЊА НА ГРЦИТЕ ЗА 5 000 ЕВРА: Откриен голем криминален ланец во Бугарија
Објавено во: Балкан 20 Април, 2017
Бугарското специјално обвинителство започнало опсежна истрага против 29 Бугари, воглавно од градот Камено, откако грчката полиција разоткрила нов ланец за продажба на бебиња во Грција.
Од почетокот на годината за криумчарење со бебиња се осудени две лица. Во обвинителството велат дека трговијата со бебиња се докажува многу тешко, а до процесуирање доаѓа само ако жртвата на крај не ги добие ветените пари.
„Причината е тоа што ова кривично дело се извршува во многу тесен круг на луѓе кои не сакаат продажбата да се шири надвор од семејството“, рекол заменик на јавниот обвинител во Бургас Димитар Георгиев.
Според информациите на невладиниот сектор, бебињата се продаваат за 5 000 евра, од кои 3 000 земаат само криумчарите.
Секретарот на Комисијата за борба против криумчарење на луѓе во градот Камено Росица Јанева рекла пред новинарите дека мајките ќии бебиња се породаваат воглавно се Ромки кои така преживуваат и го хранат семејството.
Таа вели дека трудниците ги носат во Грција каде се породуваат, децата ги признаваат грчки татковци, а во се обично се вклучени адвокати и лекари.